Алматы облысы Боралдай кентіндегі 55065 әскери бөлімінің бұрынғы командирі, полковник Мырзабеков Абай Данабекұлы өзіне өзі қол жұмсады, деп хабарлайды ҚМ баспасөз қызметі.
Оқиға орнында Ішкі істер министрлігі әскери-тергеу басқармасы мен әскери прокуратура қызметкерлерінен құрылған жедел-тергеу тобы жұмыс істеуде.
Қаза тапқан офицер өлер алдында хат қалдырған, оның мазмұны тергеу мүддесіне сай жарияланбайды. Әскери қызметшінің қаза табу жағдайы туралы ақпарат тергеу іс-шаралары аяқталған соң хабарланатын болады.
