Қазақстан үкіметі мен Ұлттық банк ипотекалық кредиттеу саласында қалыптасқан мәселелерді шешу үшін 130 млрд теңге бөледі.
Бұл туралы Ұлттық банктің баспасөз қызметі хабарлады.
«Бөлінген қаражат проблемалық қарыз алушылардың борыштарын есептен шығаруды болжамайды. Ол ипотекалық кредиттерге қызмет көрсету талаптарын жеңілдетуге бағытталатын болады», – делінген хабарламда.
Баспасөз қызметінің хабарламасына сәйкес, мәселені шешудің тетіктерін әзірлеуді, оның негізгі критерийлерін айқындауды Ұлттық Банк мүдделі мемлекеттік органдармен, «Қазақстан қаржыгерлерінің қауымдастығы» ЗТБ-мен, банктермен және қоғамдық бірлестіктермен бірлесе отырып жүзеге асыратын болады.
Борыштық жүктемені жеңілдетудің тетіктерін әзірлеу мәселесі 19 ақпан күні Алматыда алғаш рет талқыланады.
