Астана тұрғындары әкімшілік алдында төбелесті

7
27
Астана тұрғындары әкімшілік алдында төбелесті
Астанада шенеуніктің қабылдауына жазылуға таласқан жұрт бір-бірімен төбелесіп, турникетті сындыра жаздады деп хабарлайды КТК арнасы.Мемлекеттің арзан пәтерін күтуден шаршағандар тіпті тұрғынүй басқармасы басшысының кабинетіне басып кірмек болды. Жалғыз күзетшінің ашулы топты тежеуге әлі келмеді. Тіпті тар жерде сығылысқан екі әйелдің жүрегі сыр беріп талып қалған.Негізі, тұрғын үй басқармасының басшысы Руслан Ахметовтың қабылдауы 24 ақпан екен. Бірақ, жүздеген адам күні бұрын кезекке тұрып шенеунікпен кабинетінде жеке тілдесуге асық. Жұрт бірінші басшымен сөйлессем пәтер мәселесі тез шешіледі деген үмітте.

Айтар мұңдары да әртүрлі. Бірі тізімнен неліктен себепсіз шығарылғанын, екіншісі кезегінің неліктен жылжымай жатқанын білгісі келеді. Оның үстіне, 1-ші наурыздан жаңа мемлекеттік бағдарлама, «Нұрлы жол» мен «Қолжетімді баспана» бойынша, құжат қабылдау басталады.

Осының анық-қанығын білмейміз деп ашынған халық тұрғын үй басқармасының дөрекі қызметкерлеріне өкпелері қара қазандай.

«Жаңадан жақсы заң қабылданып жатыр. Қай кезде үй аламыз деп сұрайық десек, бір екі қыз бар маңайлатпайды. Сағат екіден үшке дейін қабылдайды. Үш жарымнан кейін келсең айғайлап қуып шығады. Құжатыңды бетіңе лақтырады», — дейді Астана қаласының тұрғыны Күлдір Әпетқызы.

По сообщению сайта Nur.kz

7 ПІКІРЛЕР

  1. неге баспанаға қатысты мекемелерде үнемі осы мәселе, қашан шешілер екен

  2. талай адам алып жатыр ғой үйді, өстіп жабайылық көрсетіп не керек

  3. Жабайылық емес, ешкім де төбелескен жоқ. бәрінің үй алғысы келеді. бірақ бір күнде бәріне баспана салып беру мүмкін емес қой.

  4. Құдайға шүкір, былтырғы жылы бауырым мен екі бірдей досым үйлі болды. мемлекеттік бағдарлама дегенге бұрын сенбеуші едім, үшеуі де ешкімге пара бермей, кәдімгі заңды жолмен кезегі келіп, пәтерлеріне кіріп алды. енді өзім де ойлана бастадым.

Пікір жазу

Пікіріңізді енгізіңіз!
Атыңызды енгізіңіз