Аузында алтын тісі барлар шетелге шектеусіз шыға алады

2
50

«Аузында алтын тісі барлар енді шетелге шықпауы мүмкін». Мұндай ақпаратты «Мегаполис» басылымы Инвестиция және даму министрлігіне сілтеме жасап таратқан болатын деп хабарлайды Астана арнасы.

Аузында алтын тісі барлар шетелге шектеусіз шыға алады

Енді құрамында алтыны бар шикізат бұйымдарын сыртқа шығаруға тыйым салынбақ. Олардың қатарына адамдардың тістеріне қапталған алтын да кіреді. Өйткені ол да шикізатқа жатады. Басылымдағы мақалада, шенеуніктер мұндай шектеуді елімізде алтын өңдейтін зауыттардың жұмысының тоқырауымен байланыстырып отырғаны, айтылған.

Мұндай тыйымның Кеден одағы елдеріне қатысы жоқ екені де ескертіледі. Алайда танымал заңгер Жангелді Сүлейманов бұл ақпараттың шындыққа жанаспайтынын айтып отыр.

«Ақпаратты тарату барысында БАҚ өкілдері тақырыпқа үстірт мән берген», – дейді ол.

«Бағалы бұйымдар мен бағалы тастар туралы» Заң парламент қарауында жатыр. 2014 жылдың шілдесінде Үкіметтің №606 қаулысы бойынша сыртқа шығаруға тыйым салынған бағалы металдардың бірегей тізімі жарияланған. Онда елдің аузындағы алтындар мен таққан зергерлік бұйымдарын шетелге шығаруға тыйым салынады деген нақты түсінік жоқ. Тек отандық зауыттарда өңдеуге керекті шикізаттарға тосқауыл қою үшін, қолға алынған шектеулер туралы қаулы бар»,  – дейді заңгер Жангелді Сүлейманов.

2 ПІКІРЛЕР

Пікір жазу

Пікіріңізді енгізіңіз!
Атыңызды енгізіңіз