Қазақстандықтардың ағылшын тілін меңгеру деңгейі: өте төмен

0
51

agylshyn

 Жуырда EF Education First  – шет тілін оқыту, білім беру және мәдени құндылықтармен алмасу саласында қызмет жасайтын халықаралық білім беру ұйымы арнайы жүргізген сауалнама қорытындысы бойынша қазақстандықтарың  ағылшын тілін меңгеру көрсеткіші өте төмен деңгейді көрсеткен деп хабарлайды  Qamshy.kz  порталы.

Аталмыш сауалнамаға 63 елдің 18 ден 34 жасқа дейінгі аралықтағы ер және әйел азаматтыры қатысқан.   Сауалнама қорытындысы көрсеткендей Қазақстан ағылшын тілін нашар меңгерген елдердің қатарына кіріп, 54-сатыға орын тепкен.    Ал ағылшын тілін жетік меңгерген елдердің көшін  Скандинавия елдері  бастап тұр.   Ал Азия мемлекеттері арасында  ағылшын тілін меңгеру деңгейі әртүрлі, жоғарғы деңгейден өте төмен деңгейге дейінгі, дамудан тұрақты тоқырауға  дейінгі аралықта өзгешеленеді. Оңтүстік-Шығыс Азияның үш мемлекеті – Индонезия, Таиланд, Вьетнам бүкіл әлем бойынша ағылшын тілін меңгеру жағынан ең жоғарғы көрсеткішті көрсетсе, бұл елдердің қатарына  Гонконг, Тайвань мен Жапония да қосылады.

Латын Америкасы, Таяу Шығыс пен Солтүстік Африкадағы елдердің барлығы дерлік төмен немесе өте төмен деңгейді көрсеткен. Аргентина, Доминикан Республикасы және Біріккен Араб Әмірліктері ағылшын тілін меңгеру жағынан орташа деңгейді көрсетіп, өздері орналасқан аймақтарда көш бастап тұр.

2014 жылдың 12 қарашасында жарияланған EF EPI индексінің төртінші басылымына сәйкес әлем бойынша ағылшын тілін меңгерумен байланысты жағдай келесідей көрініс тауып отыр: Даниядағы ересек тұрғындардың ағылшын тілін шет тілі ретінде меңгеру деңгейі өте жоғарғы деңгейде, одан кейінгі орынды Нидерланды мен Швеция алып отыр. Солтүстік Африка мен Таяу Шығыс  халқы ең нашар нәтижені көрсетті. Ағылшын тілін меңгеру деңгейі бүкіл әлем бойынша әр түрлі.

«Ағылшын тілі кәсіби, мәдени және экономикалық құндылықтармен алмасуға арналған маңызды тұғыр болып табылады. EF EPI арқасында тілді меңгерудің маңыздылығы бүкіл әлем бойынша артты», – деп атап өтті EF Education First Академиялық мәселелер жөніндегі вице-президенті, доктор Кристофер Маккормик.

Ағылшын тiлiн меңгеру деңгейіне арналған EF индексiнің 2014 жылдағы нәтижелері

РейтингіМемлекетEF EPIДеңгейі
12Малайзия59.73Жоғарғы
13Сингапур59.58Жоғарғы
24Оңтүстік Корея53.62Орташа
25Үндістан53.54Орташа
26Жапония52.88Орташа
28Индонезия52.74Орташа
30Тайвань52.56Орташа
31Гонк Конг52.50Орташа
33Вьетнам51.57Төмен
37Қытай50.15Төмен
48Тайланд47.79Өте төмен
49Шри-Ланка46.37Өте төмен
54Қазақстан42.97Өте төмен
61Камбоджа38.25Өте төмен

«Қамшы» сілтейді

Пікір жазу

Пікіріңізді енгізіңіз!
Атыңызды енгізіңіз