Президенттікке үміткерлерге шығарма жазу үшін 1 сағат беріледі

11
59

 

Қазақстан президенттігіне үміткерлердің мемлекеттік тілді еркін меңгергендігін анықтау үш кезең бойынша өтеді.

Президенттікке үміткерлерге шығарма жазу үшін 1 сағат беріледі
Президенттікке үміткерлердің мемлекеттік тілді еркін меңгергендігін анықтау жөніндегі лингвистикалық комиссия осындай шешім қабылдады, деп хабарлайды «Алаш айнасы».

Лингвистикалық комиссияның төрағасы Мырзатай Жолдасбековтың айтуынша, президенттікке үміткерлер үшін сынаққа ұсынылатын сұрақтардың барлығы бекітілген.

«Жалпы сынақ үш кезеңнен тұратын тұрады. Президенттікке үміткерлердің мемлекеттік тілді еркін меңгерген деңгейін анықтау үшін біріншіден, үміткер осы лигвистикалық комиссия ұсынған тақырыптардың бірін таңдап, көлемі 2 беттен аспайтын жазбаша жұмыс жазуы тиіс. Оны жазуға бір сағат қана уақыт беріледі. Егер біздің кандидат берілген уақыттың аз екендігін айтса, онда комиссияның тағы жарты сағат қосуға құқығы бар. Одан артық уақыт берілмейді», – деді Мырзатай Жолдасбеков бүгін баспасөз брифингінде.

Екінші кезеңде үміткерлер қазақтың классик қаламгерлері шығармаларының бірін таңдап, көлемі үш баспа беттен аспайтын мәтінді ырғағына келтіріп оқиды.

Комиссия төрағасы Мырзатай Жолдасбеков: «Одан кейін лингвистикалық комиссия бекіткен тақырыпқа байланысты дайындалып, 15 минут соның төңірегінде еркін сөйлеуі тиіс және оған дайындалуға да комиссия 1 сағат уақыт береді. Осы үлкен үш сынақтан кандидат өткеннен кейін комиссия өздеріне бекітілген бөлмеде бас қосады. Кандидаттардың жетістігі мен кемшілігін талқылап, президент болуға лайықты ма, өзінің мемлекеттік тілін меңгерген бе, өз ана тілін бағалайтын адам ба, деген мәселелерді талқылап, қорытынды шығаратын болады», – дейді.

Еске сала кетейік, Қазақстанда кезектен тыс президенттік сайлау 26-сәуірде өтеді. Қазіргі таңда Орталық сайлау комиссиясына президентке кандидатарды ұсыну жүргізілуде.

Источник: Алаш Айнасы

11 ПІКІРЛЕР

  1. Сайлау әділ өтіп, үміткерлердің қазақ тілін жетік менгерілуін анықтау таза өтетініне сенеміз

  2. Неге Президентіміз кандидатурасын ұсынбай жатыр? Басқа үміткерлердің аты-жөндерін бірінші рет есітуім

  3. Бұл сынақтан біздің Елбасы сүрінбей өтетініне сенемін, себебі ол кісі ана тілінің майын тамызады.

  4. Басқа кандидаттарды қайдам, бірақ Нұрсұлтан Әбішұлына елдің ықыласы ерекше ғой. Елбасы кез келген сынақтан сүрінбей өтеді.

  5. 1 сағаттың ішінде өте жақсы шығарма жазуға болады. Кандидаттар бұл тапсырманы жақсы орындайды деп ойлаймын

  6. Емтихандар арқылы үміткерлердің сауаттылығы мен мемлекеттік тілге деген құрметінің деңгейін анықтайтын боламыз. Негізі дұрыс ұйымдастырылған.

  7. Үміткерлерге сәттілік! Бәрі де үмітті ақтасын! Ел өзіне керегін таңдап алады ішінен.

  8. Бұл сайлаудың мағынаға толы науқан екенінің дәлелі. Сайлау арқылы біраз сауат ашып алатын болды ғой.

  9. Тілге деген құрметтерін дәлелдейтін болды ғой. Бәріне сәттілік! Сайлауда жолығайық!

Пікір жазу

Пікіріңізді енгізіңіз!
Атыңызды енгізіңіз