Қарағандының 3D-макетіне 30 млн теңге жұмсалған

0
68

Қарағандыда жұртшылыққа қаланың 3D-макеті таныстырылды. Оған бюджеттен 30 млн теңге бөлінген.

Қарағандының 3D-макетіне 30 млн теңге жұмсалған

«Макет мөлшері 1+1 метрлік 183 планшетте орындалған, онда 185 мыңдай ғимараттар мен құрылыстар көрініс тапқан. Ауқымы 1:2000», – деді «Қала құрылысы кадастр орталығы» ЖШС директоры Тимур Аужанов.

Орындаушы-кәсіпорын басшысы нақты көріністерді беруде кейбір күрделі жағдайлар болғанын мойындады.

«Қалада мұндай ауқымдағы, жолдар және ғимараттар белгіленген дәл карта жоқ», – деп атап өтті ол.

Жасаушылардың пайымдауынша, қазіргі бар ғимараттар макетте сұр түсті пластикпен, жобаланып жатқандары – қоңыр түспен берілген.

«Бюджеттен 3D-макетті жасауға 30 млн теңге бөлінді. Бұл орынды шығындар деп ойлаймын. Біз қаланың толық көрінісін көріп отырмыз. Макетті қала салушылар пайдаланатын болады», – деді Қарағанды әкімі Нұрлан Әубәкіров.

Оның айтуынша, макеттің тұрақты орны әлі белгіленбеген.

«Қазір қарап жатырмыз. Биыл ашылғалы отырған Достық үйіне орналастыратын болармыз. Онда ыңғайлы зал болады», – деді қала басшысы.

Пікір жазу

Пікіріңізді енгізіңіз!
Атыңызды енгізіңіз