Бас прокуратура Германиядан экстрадицияланған қазақстандық дипломаттардың қылмыстық тергеуін жандандырды, деп хабарлады қадағалау ведомствосының баспасөз қызметі. 
«ҚР бас прокуратурасы көрсетілген тұлғаларға қатысты осыған дейін жеке өндіріске шығарылған және тоқтатылған қылмыстық істі жандандырды, сотқа дейінгі тергеу жүргізілуде», – делінген бас прокуратураның ҚазТАГ сұранымына жұма күні берген жауабында.
Ведомстводағылар 2015 жылдың 16 ақпанында Қазақстанның Франкфурт-ам-Майндағы бұрынғы бас консулы Ахат Алпысбаев пен оның қарамағындағы Қайрат Әдіров жазаның қалған бөлігін өтеуден босатылғаннан кейін Қазақстанға қайтарылған еді.
Франкфурт-ам-Майндағы Жер сотының 2014 жылдың 29 сәуіріндегі үкімімен дипломаттар айыпты деп танылып, салық төлемегені және контрабанда үшін сотталды.
Одан өзге, Бас прокуратура темекі контрабандасы дерегі бойынша 2014 жылдың қазанында сотталған аталмыш қылмыстың сыбайласы Р. Жақыпбековке қатысты қылмыстық іс қозғады.
ҚР бас прокуратурасынан 2013 жылдың 6 наурыз-28 тамыз аралығында сыртқы істер министрлігінің қызметкерлері А. Алпысбаев пен Қ. Әдіровтың сыбайластарымен бірге дипломатиялық пошта желеуімен темекі бұйымдарын Қазақстаннан Германияға бірнеше мәрте жеткізіп келгенін еске салды.
