Қазақстан президенттігіне үміткер 14 адамның аты-жөні жарияланды

25
71

Қазақстан президенттігіне кандидаттар саны 14 адамға жетті. Бұл туралы бүгін  Орталық сайлау комиссиясының мүшесі Ләззат Сүлейменова мәлім етті.

Қазақстан президенттігіне үміткер 14 адамның аты-жөні жарияланды
«2-9 наурыз аралығында Орталық сайлау комиссиясына азаматтардан 14 өтініш келіп түсті. Олардың біреуі партия атынан, 13 адам өзін-өзі ұсынды. Тұрғын Сыздықов Қазақстан халықтық коммунистік партиясы атынан ұсынылған болатын», – деді ол.

Сүлейменованың айтуынша, Орталық сайлау комиссиясы қазіргі уақытта осы азаматтардың Қазақстан Республикасының Конституциясына және «Сайлау» туралы заңына сәйкестігін тексеріп жатыр.

Тиісті сұраныстар Бас прокуратураға және Ішкі істер министрлігіне жіберілді.

«2 азаматқа, Сырғабаев Асқар  мен Алдажанов Сайфоллаға мемлекеттік тілді еркін меңгермеген деген шешім шығарылды. 6 наурыз күні Қойшиева Лимана мемлекеттік тілді еркін меңгергендігі туралы анықтама алып, азаматтардың арасында өзін қолдау қолын жинауға кірісіп кетті», – деді ОСК мүшесі.

Бүгінге дейін президенттікке үміткер атанғандар:

Сырғабаев Асқар Жорабайұлы;

Алдажанов Сафиолла Қалабайұлы;

Қойшиева Лимана;

Әбдікәрімов Бақыт Төлегенұлы;

Мырзашов Сухраб Аминжанұлы;

Өктешбаев Есенбек Жапарұлы;

Жүнісбеков Якубжан;

Жұман Қайрат Тоқтарұлы;

Серғазин Ержан Мерекеұлы;

Маишев Қайрат Әлембайұлы;

Қайсаров Уәлихан Әбішұлы;

Естемесов Бақтияр Өксікбайұлы;

Тұрагелдиев Қанат Сыбашұлы.

25 ПІКІРЛЕР

  1. Никто толком ничего для страны еще не сделал, а хочет стать президентом

  2. Один по Алмате ходит людей пугает с палкой, другой казахский даже не знает

  3. Ал мен болсам ҚАЗАҚ тілін білем, бірақ сөйлемеймін. Но я же не собираюсь быть президентом)

  4. Меніңше бәрінің есімдері елге танымал адамдар деп айта алмаймын, егер Елбасы сайлауға түсетін болса, халық 14 адамға дауыс береді деп айту қиын.

  5. Бұлар елге әлі де пайдасы тиген жоқ, сол үшін бұлардың Президент болып сайлануы екіталай.

  6. Менің ойымша Президенттікке үміткерлердің талабын күшейту керек сияқты, әйтпесе басқа шет елдердің алдында кім болса сол түсіп, беделіміз түсіп кетуі мүмкін.

  7. Менің ойымша егер де елдің әрбір азаматы Президент болғысы келсе, онда түсе берсін, ол өзінің жеке құқығы бірақ, та барлық талаптарға сәйкес болуы керек.

  8. Ия шынында да бұл сайлау бір үлкен дода болып тұрған сияқты, кім ұтса сол үлкен силық алатындай, бірақ олар халықтың жағдайын ұмытпаулары керек.

  9. Бұл сайлаудың басқа сайлаулардан ерекшелігі біз қазіргі таңда геосаяси қиын экономикалық жағдайдың алдында тұрмыз, сондықтан да бізге жаңа заңдар мен реформалар қажет, осы қиындықтардан өту үшін. Ал бұл кісілердің оған тәжірибелері жетеді деп айту қиын.

  10. Қазіргі таңда басқа партиялар да өздерінің съездерін өткізуге дайындалып жатыр, сондықтан да алдағы уақытта партия қатарынан ұсынылатын үміткерлердің саны артады деп сенеміз.

  11. Менің ойымша бәрібір елді басқаратын Елбасыдай азамат елде жоқ десем артық айтпас едім.

  12. Елдің жағдайын ойлайтын адам өз-өзін ұсынбай тұрып, елдің алдында елді елең еткізетіндей қандай жұмыс жасадым деп өз өзіне есеп беріп барып, Президенттікке түскені дұрыс болар еді.

  13. Үміткерлердің есімдері көпке танымал емес. Мүмкін өз араларында танымал шығар. Бірақ арасынан президент болуға лайық ешкімді байқап тұрғаным жоқ.

  14. Елдің басшысы болу оңай іс емес. Оған етек-жеңін жиған, аузы дуалы, елдің алдында жүрген кісілерді ғана қатыстыру керек сияқты.

  15. Бұл жолғы сайлаудың боларынан боладысы қызық боп тұр. Нұрағамыз әлі өз шешімін айтпады. Ел елеңдеулі!

  16. бЕң бірінші мемлекеттік тілге мән бергендері ұнап отыр. Әйтпесе кандидаттардың орысша шүлдірлеп тұратыны мағанда ұнамайды.

  17. 14 үміткердің арасынан іріктеліп 5-еуі өтсе өткені ғой. Көбі қазақшаға келгенде құлап жатыр.

Пікір жазу

Пікіріңізді енгізіңіз!
Атыңызды енгізіңіз