Танымал заңгер: Талғат Рысқұлбекті бас бостандығынан шектеуді сұраймын!

Танымал заңгер: Талғат Рысқұлбекті бас бостандығынан шектеуді сұраймын!

Головкиннің жеңілісінен кейін Талғат Рысқұлбеков заңгер Айгүл Орынбекке «Көкпаршыларды сынағанда бәледейсің, неге жеңілген Головкинді жазбайсың?» деген сыңайда хабарлама жолдағанын блогер бұған дейін мәлімдеген болатын. Енді бүгін Рысқұлбеков заңгерге доқ көрсетіп, бейәдеп сөздерге толы аудиожазба жолдапты.

«Ей, сен маған хабарлас, шайтан е. 87783123309. Мен саған көрсетейін. Мені Бекболат Тілеуханмен шатастырма нақ. Біреудің орамалына жармасып, қыздардың артын ашқанға мәз боп, санын ашып жүрген сен сияқты… », — деген Рысқұлбековтің әр сөйлемі бейәдеп сөзбен аяқталады.

Картинки по запросу талгат рыскулбеков

Айта кетейік, бұған дейін заңгер әрі блогер Айгүл Орынбек өзбектерден жеңілген қазақ көкпаршыларын сынап, Facebook әлеуметтік желісіне бірнеше жазба қалдырған еді. Тіпті ҚР ұлттық спорт қауымдастығының президенті Бекболат Тілеуханның бұл қызметке лайық емес екенін айтқан.

Енді Айгүл Орынбек бұған ҚР Қауіпсіздік комитетінің тікелей араша түсуін сұрап отыр.

«ҚР Ұлттық Қауіпсіздік Комитетінің төрағасы Кәрім Мәсімов мырзаның назарына!

Жекеме келген хат, ар намысымды таптап «шайтан» дегені үшін, боқтағаны үшін кешенді сот филологиялық-психологиялық сараптама жасап, заңды түрде жазасын беруіңізді сұраймын.

Бұл кісі өзін ашық сәләфи екенін әлеуметтік желіде мойындаған.

Теологтар да сараптамадан өткізіп, қоғамға қауіпті болса, психикалық ауытқуы болса, бас бостандығынан шектеуді сұраймын!», — деп жазды ол желідегі парақшасына.

Дереккөз: sn.kz

Пікір жазу

<